個個經理都有本難念的經

海江田升做經理都有好幾年, 過去數年的經驗話比我知原來最難管理唔係表現差的員工, 亦唔係會扭計跳草裙舞的員工. 我覺得最難管理的員工反而是那些"自以為自己好勁但其實一o的都唔勁而且仲唔知自己唔勁"的員工. 好似好複雜, 係咪?

一般表現差同扭計的員工, 公司通常都有機制去處理, 一路無改善者大不了可以一"炒"了之. 但那些"自以為自己好勁但其實一o的都唔勁而且仲唔知自己唔勁"就最煩. 一般已經做開的工作及處於他們學識及經驗範圍內的通常都可以升任(所以他們會覺得他們好勁,你無咗佢唔得), 但當你要他們離開他們的comfort zone去做一些他們未接觸的新事物, 他們就會來"料".

首先, 他們會問你會唔會有training比佢. 如果無, 他們就會話:"不如你將個project比阿邊個邊個, 他們比我熟悉, 我可以跟佢一齊做". 跟住阿邊個邊個就會好慘, 因為他們會不斷問阿邊個邊個問題, 呢樣點做, 個樣點做, 等等, 完全唔會自己思考找答案. 一路做他們會不斷將email copy 比你, 話你知他們正在做什麼, 荒死你唔知佢做緊. 他們又會間唔中會問吓你意見, 這樣做好唔好, 實情係佢的意見比阿邊個邊個ban咗, 搵你support佢. 到最後就會集各家之大成化為自己的意見話番比你知. 你話嘔唔嘔血?

到你想話比佢知, 佢其實唔係好勁. 他們就會搬出千萬種理由話比你知點解你會誤解他們. 其實應該是這樣這樣, 不要誤解他們的表現.

其實我覺得最慘其實是他們, 當他們長時間有這種行為時, 不要當身邊的同事是盲或是傻. 大家對着你時就嘻嘻哈哈, 轉個背就笑你傻仔. 拿你的行為來開玩笑. 他們還懵然不知.